Eurovision-2011
ՈՒՇԱԴՐՈՒԹՅՈՒՆ
Տեղեկացնում ենք, որ ս.թ. մայիսի 10-ից 14-ը Գերմանիայի Դյուսելդորֆ քաղաքում կայանալու է «Եվրատեսիլ-2011» երգի մրցույթը, որին մասնակցում է նաև Հայաստանը` ի դեմս երգչուհի Էմմիի` Էմմի Բեջանյանի:
Մայիսի 10-ին Հայաստանը մասնակցելու է մրցույթի կիսաեզրափակիչ փուլին, իսկ քվեարկության արդյունքներով հաղթողների առաջին տասնյակում տեղ գրավելու դեպքում Հայաստանը ներկայացնող Էմմին հանդես կգա նաև մայիսի 14-ին կայանալիք եզրափակիչ փուլում:
Նկատի ունենալով, որ քվեարկությանը մասնակցելու իրավունք ունեն մրցույթի մաս կազմող երկրները, այդ թվում Հունաստանը, կոչ ենք անում հունաստանաբնակ մեր հայրենակիցներին ակտիվորեն մասնակցել քվեարկությանը ինչպես մրցույթի կիսաեզրափակիչ, այնպես էլ, հաղթանակի դեպքում, եզրափակիչ փուլում` հուսալով, որ նաև նրանց ջանքերի և աջակցության արդյունքում կհաջողվի եվրոպական երգի այս կարևոր մրցաբեմում քարոզել ու խրախուսել հայ ժամանակակից երգարվեստը: